Posts

પ્રેમ અને નોકરી

પ્રેમ અને નોકરી માં લગભગ બધુ સરખુ જ હોય છે.
એક તરફ સાહેબ બીજી તરફ પ્રેમિકા.
વરસો વરસ વફાદારી થી વીતાવ્યા પછી,
એક ભૂલ પણ માફ નથી હોતી.
મનમાં ને મનમાં એ તમારા ભૂતકાળના તમામ
ત્યાગ અને બલિદાન ની બલી ચઢાવી દે છે.

મારે થોડું રડવું છે

જીવન ના ચડાવ ઉતાર અને સંબંધોની સમજણ અથવા સંબંધોના જ્ઞાન થી ક્યારેક એવો સમય પણ આવે છે કે, પોક મૂકીને રડવું છે પણ કામ એટલુ છે કે રડવા માટે સમય નથી. આ જીવનની આંટૂ-ઘૂટી એ રડવા માટે પણ માણસ ને એકલો છોડતી નથી. હે સમય થોડી વાર થંભી જા, હું થાકી ગયો છું મારે થોડો સમય મારા માટે જોઈએ છે... મારે થોડું રડવું છે.

અજાણતા...

મને મળે કે ના મળે તું હંમેશા મારા હૃદયમાં ધબકતી રહીશ.
ક્યારેક મારા આંસુઓમાં અને ક્યારેક મારી લાગણીઓમાં તું વહેતી રહીશ.

ગુજરાતી ફિલ્મ ઈન્ડસ્ટ્રિઝ આપની રાહ જોઈ રહી છે.

ક્યારેય પણ, કોઈ પણ સમયે, એક પણ વખત જો તમને ગુજરાતી ફિલ્મ બનાવવા, લખવા, એક્ટિંગ કરવા કે ફિલ્મ ઈન્ડસ્ટ્રિઝના કોઈ પણ ક્ષેત્રમાં કામ કરવાનો વિચાર આવ્યો હોય તો ગુજરાતી ફિલ્મ ઈન્ડસ્ટ્રિઝના મહાનુભાવો સાથે સેમિનાર તથા એમના વર્કશોપમાં વિના મૂલ્યે ભાગ લેવા નીચે આપેલી લિંક પર ક્લિક કરો અને આપની વિગત મોકલી આપો. અને જો તમે પહેલેથી જ ગુજરાતી ફિલ્મ ઈન્ડસ્ટ્રિઝ સાથે જોડાયેલા છો તો આપની ની વિગત જરૂર મોકલો આપ પણ આવનારી નવી ટેલેન્ટ ના માર્ગદર્શક બની શકો છો.. #gujaratifilm #gujarati #film #films #cinema
http://www.gujaratifilms.in

હક્ક અને અભિમાન

સામાન્ય રીતે હક્ક અને અભિમાન નો એક-બીજા સાથે સંબંધ હોવાથી, ઘણા લોકોને ગેરસમજ થાય છે. જ્યારે કોઈ તમારી પાસે હક્કથી વાત કરે તો, અભિમાન કરતા હોય તેમ લાગે છે. હા અભિમાન તો હોય જ છે, સંબંધોના હક્કનું. સમજી-વિચારીને સમજ જો.

આજે 10,001

Image
ફાલતુ વાત ના આજે 10,001 pageviews પૂરા થયાનો આનંદ છે. આપ સૌ વાચક મિત્રો નો આભાર. Stats by #Blogger

કેટલા ભેગાં થયા?

સવાલ ખૂબ જ અઘરો છે. જવાબ કોઈ આપી શકે તેમ નથી. ગીતામાં લખ્યું છે... શું લઈ ને આવ્યા હતા, શું લઈ ને તમે જવા ના છો? તો પછી આટલી મોટી દોડ શેની છે? જે લોકોને તમે બતાવવા માટે પોતાને બદલી રહ્યા છો, તે તમને શું આપી દેવાના છે? જીવન જીવવાનું ભૂલ્યા વગર જે કંઈ ભેગું થાય તે કરવાની કળા દરેકને શીખવાની જરૂર છે. ઘણા લોકો એમ કરતા હોય છે ઘણા લોકો કરવા ઇચ્છતા હોય છે. કારણ કે આપણો જન્મ પૈસા કમાવા માટે નથી થયો. ઘણા લોકો ફક્ત હરીફાઈ કરવા જ જન્મ્યા હોય છે. બધા કમાઈ ગયા ને હું રહી ગયો. એ પહોંચી ગયો ને મારાથી ના થયું. અરે.... કોણ ક્યાં પહોંચ્યું એ તમારે ચિંતા કરવાની જરૂર નથી, જો તમે અંબાણી કે ટાટા ના બની શકવાના હોવ તો, ફક્ત પોતાનાથી જેટલો આ જીવનનો આનંદ લૂટાય તેટલો લૂંટી લેવાનો અભિગમ રાખવાની જરૂર છે. બારોટ છું એટલે હું સલાહ આપી શકું કે, આ શરીર એક અન્નમય કોષ છે તેને જ્યાં સુધી શક્તિ મળી રહેશે ત્યાં સુધી તે ચાલ્યા કરશે. તો.... તમારે, જીવો ત્યાં સુધી આ અન્નમય કોષ ને પોષવા માટે કેટલા રૂપિયા જોઈએ?

કેટલા ભેગાં થયા? એમ નહીં...... વિચારો કે, કેટલા ભેગાં લઈ ગયા?

વધુ ફાલતુ વાત માટે, વાંચતા રહો, મળતા રહો.. ફાલતુવાત.બ્લોગ…

ભૂત ને મગજ હોય?

આત્માને શરીર હોતું નથી... તો પછી મગજ વગર આત્મા યાદ કેવી રીતે રાખી શકે...? કાન વગર સાંભળી કેમ શકે? તો પછી... બદલો લેવા આવેલા ભૂતની વાતો સત્ય કેવી રીતે હોઈ શકે? અને જો આત્મા વિચારી અને યાદ રાખી શકે તો માનવ શરીરમાં મગજનું કામ શું?